"Арсенал" ҳимоячиси Уильям Салиба бу мавсумда бошқа ўйнамайди, дея хабар бермоқда RMC Sport нашри.
Текширувлар шуни кўрсатдики, футболчининг бел қисмида ёриқ бор. У июнь охири ёки июль ойи бошида машғулотларга қайтиши кутилмоқда. "Арсенал" клуби шифокорлари унинг бу мавсумда қайтиши устида ишлаётганини айтишди.
Салиба 16 март куни Европа Лигаси доирасида "Спортинг"га қарши ўйинда жароҳат олган эди. Жорий мавсумда у 33 та ўйинда 3 та гол урди ва 1 та голли узатмани амалга оширди.