"Интер" президенти Стивен Чжан жамоа бош мураббийи Симоне Индзаги билан ишлаш ҳақида гапирди.
“Мен кўплаб мураббийлар билан ишлаганман, лекин сизни ишонтириб айтаманки, Индзаги ўзгача. У ҳар қандай вазиятда жуда хотиржам ва хотиржамлик ақл бовар қилмайдиган фазилатдир.
У мендан ўйинчиларни сотиб олишимни сўрамаган ягона мураббий!" - дея Чжан сўзларини келтиради Tuttomercatoweb Sky Sports трансляциясига таяниб.
Эслатиб ўтамиз, Миланнинг "Интер" клуби 2022/2023 йилги мавсумда Чемпионлар лигаси ярим финалининг жавоб учрашувида "Милан"ни мағлуб этган (1:0) ва умумий ҳисобда турнир финалига йўл олганди. Биринчи ўйинда ҳам "Интер" 2:0 ҳисобида кучлироқ бўлиб чиққанди.
