"Арсенал" ярим ҳимоячи Мартин Эдегор билан шартномани узайтирмоқчи, дея хабар беради журналист Саймон Коллингс.
Нашрнинг ёзишича, “канонирлар” жорий мавсумда асосий ўйинчи бўлган барча футболчиларни ўзида сақлаб қолмоқчи.
Аввалроқ, 24 ёшли ярим ҳимоячига "Бавария", "ПСЖ" ва "Барселона" клублари қизиқиш билдираётгани ҳақида хабарлар тарқалган эди.
Унинг "Арсенал" билан шартномаси 2025 йилнинг ёзига қадар мўлжалланган.
Эдегор жорий мавсумда барча мусобақаларда 43 та ўйинда майдонга тушиб, 15 та гол урди ва 8 та голли узатмани амалга оширди. Transfermarkt портали унинг нархини 80 миллион еврога баҳоламоқда.
