Жозе Моуриньо "ПСЖ"дан бўлган қизиқиш ҳақидаги маълумотга изоҳ берди.
Аввалроқ, "ПСЖ"нинг спорт маслаҳатчиси Луиш Кампуш Моуриньонинг агенти Жорже Мендеш билан музокаралар олиб бораётгани ҳақида хабар берилганди.
RMC Sport хабарига кўра, португалиялик мутахассис "Рома"ни тарк этиб, "ПСЖ" ёки "Реал"га ўтишга тайёр.
“Мен бу ҳақда гапиришни хоҳламайман. Олдинда бизни ўйин кутиб турибди ва бу ҳатто финал ҳам эмас, шунинг учун мен шунга эътибор қаратмоқчиман.
Мен келажагим ҳақида ҳеч нарса демайман, финал ҳақида ўйламайман ҳам”, деди “Рома” бош мураббийи “Байер” билан Европа лигасининг жавоб ярим финали олдидан.
