Joze Mourinyo "PSJ"dan bo‘lgan qiziqish haqidagi ma’lumotga izoh berdi.
Avvalroq, "PSJ"ning sport maslahatchisi Luish Kampush Mourinyoning agenti Jorje Mendesh bilan muzokaralar olib borayotgani haqida xabar berilgandi.
RMC Sport xabariga ko‘ra, portugaliyalik mutaxassis "Roma"ni tark etib, "PSJ" yoki "Real"ga o‘tishga tayyor.
“Men bu haqda gapirishni xohlamayman. Oldinda bizni o‘yin kutib turibdi va bu hatto final ham emas, shuning uchun men shunga e’tibor qaratmoqchiman.
Men kelajagim haqida hech narsa demayman, final haqida o‘ylamayman ham”, dedi “Roma” bosh murabbiyi “Bayer” bilan Yevropa ligasining javob yarim finali oldidan.