«Манчестер Сити» бош мураббийи Хосеп Гвардиола ярим ҳимоячи Бернарду Силванинг кеча «Реал»га қарши бўлиб ўтган Чемпионлар лигаси 1/2 финал учрашувидаги ўйини ҳақида гапирди.
Учрашув 4:0 ҳисобида «шаҳарликлар»нинг йирик ҳисобдаги ғалабаси билан якунланди, Бернарду дубл қайд этди.
«Бундай турнирнинг финалига чиққанингизда, байрам қилиш керак. Менинг шогирдларим зўр таассурот қолдирди.
Бернарду Силванинг ўйинини алоҳида таъкидлаб ўтмоқчиман, у мен ҳаётимда кўрган энг яхши ўйинчилардан бири», - деб ёзади УЕФА матбуот хизмати испаниялик мураббийнинг сўзларидан иқтибос келтириб.
«Манчестер Сити» Чемпионлар лигаси финалида «Интер»га қарши майдонга тушади.
