Лондоннинг «Челси» клуби «Спортинг» ярим ҳимоячиси Мануэль Угарте трансфери учун «Астон Вилла» ва «Ливерпуль» билан курашмоқда.
Record Portugal нашри хабарига кўра, 22 ёшли уругвайлик футболчи бир қатор клублар эътиборини тортмоқда.
Қайд этилишича, ёзда Угарте трансфер бозорида 60 миллион еврога сотилиши мумкин. Бу сумма уругвайлик футболчининг Лиссабоннинг «Спортинг» клуби билан тузган шартномасида товон пули сифатида кўрсатилган.
Угарте аллақачон Уругвай терма жамоасида дебют қилишга улгурди, бироқ футболчи Қатардаги жаҳон чемпионатида иштирок этмади. Мануэль Португалия чемпионатининг жорий мавсумида 30 та ўйин ўтказди.
