"Ювентус" вингери Анхел Ди Мария ёзда шартномасини узайтирмасдан жамоани тарк этиши мумкин. Бу ҳақда Sky Italia нашри хабар бермоқда.
Туринликлар 35 ёшли футболчи билан шартномани узайтириш ҳақида ўйлашган, энди эса уни қўйиб юборишга яқин турибди.
Клуб келажак учун жамоа тузмоқчи ва аргентиналик футболчининг ўйин даражаси унинг маошига тўғри келмайди, деб ҳисобламоқда. Анхелнинг мунтазам жароҳатлари ҳам вазиятга таъсир қилади.
Ди Мария жорий мавсумда "Ювентус" сафида 37 та ўйинда майдонга тушиб, 8 та гол ва 7 та голли узатмага муаллифлик қилган.
