"Yuventus" vingeri Anxel Di Mariya yozda shartnomasini uzaytirmasdan jamoani tark etishi mumkin. Bu haqda Sky Italia nashri xabar bermoqda.
Turinliklar 35 yoshli futbolchi bilan shartnomani uzaytirish haqida o‘ylashgan, endi esa uni qo‘yib yuborishga yaqin turibdi.
Klub kelajak uchun jamoa tuzmoqchi va argentinalik futbolchining o‘yin darajasi uning maoshiga to‘g‘ri kelmaydi, deb hisoblamoqda. Anxelning muntazam jarohatlari ham vaziyatga ta’sir qiladi.
Di Mariya joriy mavsumda "Yuventus" safida 37 ta o‘yinda maydonga tushib, 8 ta gol va 7 ta golli uzatmaga mualliflik qilgan.
