"Бавария" спорт директори Ҳасан Салихамиджич клуб Юлиан Нагельсманнинг бош мураббий лавозимидан четлатилганидан афсусда эмаслигини айтди.
Эслатиб ўтамиз, янги бош мураббий Томас Тухель қўл остида "Бавария" 2012 йилдан бери биринчи марта Бундеслига чемпионлигини қўлга кирита олмаслиги мумкин.
“Нагельсманнинг ишдан бўшатилишидан афсусланамизми? Йўқ, биз буни узоқ вақтдан бери қилмоқчи эдик. Март ойининг охирида биз ҳаракат қилишимиз керак бўлган пайт келди. Томас Тухель ажойиб мураббий. Унга тўлиқ мавсумолди тайёргарлик кўриш керак, шундан сўнг ҳаммаси яхши бўлади", - дея Салихамиджич сўзларини келтиради Sky Germany.
Бундеслиганинг сўнгги тури олдидан “Бавария” Дортмунднинг “Боруссия”сидан икки очко ортда қолмоқда.
