"Манчестер Юнайтед" ярим ҳимоячи Марсель Забитцерни қўлга киритиш борасида қийинчиликка дуч келди.

Сўнгги маълумотларга кўра, келишув ёзгача қолдирилиши кутилмоқда, чунки Глейзерлар оиласи ҳалигача клубни сотиш бўйича якуний қарорга келмаган, бу эса бош мураббий Эрик тен Хаг учун муаммо туғдирмоқда ва унинг ёздаги трансфер режаларига тўсқинлик қилмоқда.

Sky Sports Germany хабарига кўра, "Манчестер Юнайтед" австриялик ярим ҳимоячини тўлиқ ўз сафига қўшиб олмоқчи. Бироқ ҳозирги клубни сотиш жараёни “Бавария” билан музокараларни секинлаштирди ва улар муаммо ҳал бўлгандан кейингина давом эттирилади.

"Бавария"нинг маълумотларига кўра, Забитцернинг нархи 25 миллион евро.