"Барселона" бош мураббийи Хави Испания футбол федерациясининг "Реал" ҳужумчиси Винисиуснинг "Валенсия" билан ўйинда олган қизил карточкасини бекор қилиш ҳақидаги қарорига муносабат билдирди.
“Ирқчилик ва ҳақорат қилиш ҳаракатлари жазоланиши керак, аммо қизил карточканинг бунга алоқаси йўқ. Винисиус томонидан майдонда қоида бузарлик содир бўлганди", - дея Хавининг сўзларини келтиради COPE.
Учрашув чоғида Винисиус “Валенсия” мухлислари билан можарога учради. Якунда майдонда жанжал келиб чиқди, натижада ҳакам "Реал" ҳужумчисини четлатиш тўғрисида қарор қабул қилди. Бироқ эртаси куни рефери ушбу эпизоддаги хатоси учун дисквалификация қилинди.
