Россия термасининг ўтмишдаги ҳужумчиси Александр Мостовой 12 октябрь куни Москвада жаҳон чемпионати саралаш мусобақаси доирасида Португалия термасига қарши ўтадиган ўйин олдидан фикрларини билдирди.
"Португалия жамоасининг дурустроқ ҳужумчиси йўқ. Аввал бор эди, ҳозир қаёққа ғойиб бўлишган, билмайман. Нуну Гомеш, Паулета сингари ҳужумчилар ҳозир йўқ. Португалияда ким ҳужумчи? Элдер Поштига? Бу ўртаҳол европа клубининг оддий ҳужумчиси, бундайлар кўп. У жамоасини қийин вазиятдан олиб чиқиб кета олмайди. Таркибида Это`О, Клозе савиясидаги ўйинчилари бўлганида улардан жиддий натижа кутса бўлар эди. Биз улардан сезиларли даражада кучли бўлишимиз мумкин.
Россия терма жамоасининг "Лужники"да ғалаба қозонишига ишонаман, бунинг устига ўйинга жуда кўп чипталар сотилибди, деб эшитдим. Агар аққли ўйин кўрсатсак ва хатоларсиз ўйнасак, муҳим ғалабага эришишимиз мумкин. Энг муҳими - Роналдуни эсдан чиқармаслик керак", - дея Мостовойнинг сўзларини келтиради Sportbox.
