Италиялик мутахассис Роберто де Дзерби "Манчестер Сити" билан ўйиндан сўнг яна Хосеп Гвардиолани мақтади.
Де Дзербининг сўзларига кўра, Гвардиоланинг "Барселона" бошқарувидаги муваффақиятлари уни ўз вақтида мураббий бўлишга илҳомлантирган ва Гвардиоладан кўп нарсани ўзлаштирган.
"Кўп жиҳатдан Гвардиола туфайли мураббий бўлдим, унинг "Барселона"сини яхши кўрардим. Мен Гвардиоладан кўп нарса ўрганганман. Мен ҳеч кимдан нусха олмоқчи эмасман, лекин мураббийлик сафарим бошида унинг ғоялари билан қуролланганман. Пеп биринчи рақамли мураббий", - деди италиялик мураббий BBC Sport билан суҳбатда.
