Франкфуртнинг “Айнтрахт” клуби ярим ҳимоячиси Даичи Камаданинг “Милан”га ўтиши шубҳа остида, дея маълум қилди журналист Фабрицио Романо.
Манбага кўра, келишув деярли келишиб олинди, бироқ итальян клуби ҳали якуний қарорга келгани йўқ, чунки "Челси" ярим ҳимоячиси Рубен Лофтус-Чик "россонерилар" учун афзал вариант бўлиб қолмоқда, унинг трансфери борасида ҳам музокаралар давом этмоқда.
2022/23 йилги мавсумда Камада “Айнтрахт” сафида барча мусобақаларда 45 та ўйинда майдонга тушиб, 16 та гол урди ва 6 та голли узатмани амалга оширди. 26 ёшли япониялик футболчи мавсум охирида немис жамоасини текинга тарк этади.
