"Брайтон" марказий ҳимоячиси Леви Колвилл келаси мавсум қайси жамоада ўйнашини ҳали билмаяпти.
Эслатиб ўтамиз, англиялик футболчи Лондоннинг "Челси"сига тегишли ва "Брайтон"да ижара асосида ўйнайди.
"Кейинги мавсумда қаерда бўлишимни билмайман. Мавсум охиригача шу ердаман. Мен ҳозирга эътибор қаратишга ҳаракат қиламан ва кейин нима бўлишини кўрамиз. "Брайтон" мен учун кўп нарса қилди. Клуб менга бошқа ҳеч ким ишонмаган бир пайтда ишонди", - деди Колвилл.
Олдинроқ Маурисио Почеттино Колвиллни келаси мавсумда "Челси"да кўришни хоҳлаётгани хабар қилинганди.
