Каталониянинг “Барселона” клуби “Бавария” ярим ҳимоячиси Жошуа Киммихнинг трансферини ҳал қила олмайдиганга ўхшаб турибди. Журналист Жерар Ромеронинг фикрича, германиялик ярим ҳимоячини келаётган мавсум оралиғида “Камп Ноу”да кутмаслик керак.
Аввалроқ, Киммих "Барселона"да Серхио Бускетс ўрнига асосий номзод эканлиги ҳақида миш-мишлар тарқалган эди. Бироқ, манбанинг таъкидлашича, молиявий жиҳатдан каталонияликлар бу келишувга эриша олмайди.
Катта эҳтимол билан "Барселона" "Реал Сосьедад"дан Мартин Субимендини қўлга киритиш учун бор кучини сарфлайди, уни "кўк-анорранглилар" устози Хави Эрнандес ҳар қандай ҳолатда ҳам ўз жамоасида кўришни истайди.
