Люка Эрнандесни ёзги трансфер ойнасида "Бавария" сотиб юбориши даргумон.
Франция ОАВнинг ёзишича, чап қанот ҳимоячиси парижликлар билан шартнома борасида келишиб олган.
Бироқ "Бавария" бу миш-мишларга бепарво муносабат билдирди, чунки мюнхенликлар узоқ вақтдан бери футболчи билан шартномани узайтириш бўйича музокаралар олиб бормоқда ва уни қўйиб юбориш ниятида эмас, дея хабар беради журналист Филипп Кесслер.
Тахминларга кўра, Эрнандеснинг ўзи "Бавария"га содиқдир ва мураббий Томас Тухель франциялик футболчини кейинги мавсумда жамоанинг асосий ўйинчиси сифатида кўрмоқда.
Эслатиб ўтамиз, Люка Эрнандес ЖЧ-2022 ўйинида олган оғир жароҳатидан тикланишда давом этмоқда. Яқинда у умумий гуруҳда машғулотларга қайтди.
