Ярим ҳимоячи Ромео Лавиага "Челси" ва "Ливерпул" қизиқиш билдирмоқда.
АПЛдан муддатидан аввал қуйи лигага тушиб кетган “Саутгемптон” энг яхши футболчилари учун трансфер таклифларини кутмоқда. The Times нашрининг ёзишича, клуб 19 ёшли Лавиани ёши ва салоҳияти туфайли ўзининг энг қимматли активи деб билади.
Бельгиялик футболчига “Челси” ва “Ливерпуль” қизиқиш билдирмоқда. Ярим ҳимоячининг трансфери учун "авлиёлар" 40 миллион фунтдан кўпроқ сўраши мумкин.
Лавиа 2022 йилнинг июлида 12,5 миллион фунт эвазига "Манчестер Сити"дан "Саутгемптон"га ўтган эди. “Шаҳарликлар” ярим ҳимоячини қайтариб сотиб олиш имкониятига эга, аммо клуб уни қайтариш ниятида эмас.
Ромео жорий мавсумда Премьер-лигада 28 та ўйинда майдонга тушди.
