"Барселона" вингери Усмон Дембеле "Пари Сен-Жермен"дан қизиқиш ҳақида эшитмаган.
Яқинда 26 ёшли футболчининг парижликлар клубига ўтиши мумкинлиги ҳақидаги маълумотлар Франция ОАВ саҳифаларида пайдо бўлди. Журналист Серхи Капдевильянинг сўзларига кўра, Дембеленинг ўзи "ПСЖ"нинг қизиқиши ҳақида ҳеч нарса билмайди. У бор эътиборини “Барселона”га қаратган ва тез орада “кўк-анорранглилар” билан шартномасини узайтириши мумкин.
Усмон Дембеленинг трансфер қиймати Transfermarkt экспертлари томонидан 60 миллион еврога баҳоланган бўлса, июль ойи бошидан франциялик футболчининг товон пули бор-йўғи 50 миллионни ташкил этади.“Барселона” билан шартнома узайтирилса, ушбу банд, олиб ташланиш эҳтимоли юқори.