Лондоннинг “Челси” ва Миланнинг “Интер” клублари ёзги трансфер ойнасида ўйинчи алмашиши мумкин. Tuttomercatoweb хабарига кўра, "аристократлар" "нерадзуррилар" дарвозабони Андре Онанага жиддий қизиқиш билдирмоқда.
Манбага кўра, инглиз гранди Онана трансфери учун тўлиқ суммани тўлашга тайёр эмас ва 2018 йилда рекорд даражадаги 80 миллион еврога сотиб олган дарвозабони Кепа Аррисабалагани эҳтимолий келишувга қўшишни таклиф қилмоқда.
Онана ўтган ёзда Амстердамнинг "Аякс" клубидан эркин агент сифатида "Интер"га ўтган эди. Transfermarkt портали унинг нархини 20 миллион еврога баҳоламоқда.
