Собиқ футболчи Эммануэль Пети Неймарни "ПСЖ"дан тезроқ кетишга чақирди.

"Неймар, кет. Мессига ўхшаб иш тут, бу ерда Парижда, Францияда қолма. Мен уни ҳар доим ҳимоя қилардим, ҳаттоки мухлислар унинг олдига келиб, кетишни талаб қилгандан кейин ҳам. Лекин барчасини инобатга олсам, унинг ўрнида бўлганимда ўзим ҳам клубда қолмаган бўлардим. Бу унинг учун ҳам, клуб учун ҳам яхши бўларди", - дея Петининг сўзларини келтиради RMC Sport.

Аввалроқ Неймар ёзги трансфер ойнасида "ПСЖ"ни тарк этмоқчи эканлиги ҳақида хабарлар тарқалган эди.

Клуб 31 ёшли бразилиялик билан хайрлашишга тайёр ва унинг устувор варианти Премьер-лига жамоасига ўтиш.

Неймар жорий мавсумда барча турнирларда 29 та ўйинда майдонга тушиб, 18 та гол урди ва 17 та голли узатмани амалга оширди.