Ярим ҳимоячи Мэйсон Маунтнинг келажаги ноаниқлигича қолмоқда.
Футболчининг "Челси" билан амалдаги шартномаси 2024 йилнинг ўрталарига қадар амал қилади ва бундай вазиятда футболчини кейинги ёзда сотиш клуб учун фойдали бўлади, чунки шартномани узайтириш бўйича музокаралар натижа бермаяпти.
Маунтга даъвогарлардан бири "Манчестер Юнайтед". Бироқ “қизил иблислар” 24 ёшли футболчи учун сўралган 55 миллион фунт (тахминан 63 миллион евро)ни тўламоқчи эмас. "Манкунианликлар" бундай нархни жуда юқори деб ҳисоблашади.
2022/2023 йилги мавсумда Мэйсон Маунт 35 та ўйин ўтказиб, 3 та гол урди ва 6 та голли узатмани амалга оширди.
