Мадриднинг “Реал” клуби ҳимоячиси Начо Фернандес ҳали ҳам келажаги ҳақида бир қарорга кела олмаяпти.
Marca хабарига кўра, испаниялик футболчи ҳали "Реал Мадрид"да захира ўриндиғида қолиш-қолмаслигини ҳал қилмаган.
Футболчи бошқа клубнинг асосий таркибидан жой олишни истарди, аммо "Реал"ни тарк этиш қарори у учун жуда қийин бўлиши мумкин, чунки Начо бутун фаолиятини "Сантьяго Бернабеу"да ўтказган.
Эътиборлиси, агар Фернандес шартномасини узайтирмаса, мавсум охирида эркин агент сифатида кетади.
Эслатиб ўтамиз, Начонинг аввалроқ "Севилья"га ўтиши билан боғлиқ миш-мишлар тарқалган эди. Жорий мавсумда Фернандес Испания чемпионатида гол урди ва голли узатмани амалга оширди.