“Реал” ярим ҳимоячиси Тони Кроос “Реал” клуби билан шартномасини узайтиради.
Маълум қилинишича, томонларнинг музокаралари якуний босқичда.
"Клуб раҳбариятидан қачон шартнома узайтирилиши ҳақида эълон қилишларини сўрашим керак, чунки қайсидир вақтда мен таътилга чиқишим керак!", - деди Кроос.
Аввалроқ, Кроос бир неча бор "Реал"да қолиш ниятини билдирган эди.
Германиялик ярим ҳимоячи Мадрид клубида 2014 йилнинг ёзидан буён тўп сурмоқда.
33 ёшли ярим ҳимоячи жорий мавсум “Реал” сафида 50 та ўйинда майдонга тушиб, 2 та гол урди ва 5 та голли узатмани амалга оширди.