"Брайтон" ярим ҳимоячиси Алексис Макаллистер ёзда жамоани тарк этади, дея хабар беради журналист Фабрицио Романо.
Манбага кўра, 24 ёшли аргентиналик футболчига "Ливерпуль" даъвогарлик қилмоқда. Клуб шартноманинг шахсий шартларини келишиб олган.
2022/23 йилги мавсумда Макаллистер 40 та ўйин ўтказиб, 12 та гол урди ва 2 та голли узатмани амалга оширди. Аргентина терма жамоаси таркибида ярим ҳимоячи 2022 йилги жаҳон чемпионига айланди.