"Монако" ҳужумчиси Кевин Фолланд ёзда Германия Бундеслигасига қайтишга яқин турибди, дея хабар беради Sky Germany. Ҳужумчига Премьер-лигадан ҳам таклифлар бор.
Аниқлик киритилишича, 30 ёшли ҳужумкор футболчи кўпроқ ўйин амалиётига эга бўлишни хоҳлайди.
Жорий мавсумда у клуб сафида барча турнирларда бор-йўғи 23 та расмий ўйин ўтказиб, 5 та гол ва 3 та голли узатмани амалга оширди.
Манбанинг ёзишича, ҳужумчига асосий даъвогар Бундеслиганинг ўртамиёна клуби "Вольфсбург" бўлиб турибди.
Фолланднинг французлар билан шартномаси яна бир йилга амал қилади. У "Монако"да уч йил - 2020 йилнинг ёзидан бери ўйнамоқда.
