Хорватия терма жамоаси ва Загребнинг “Динамо” клуби дарвозабони Доминик Ливакович Испания чемпионатига ўтишга яқин турибди. Relevo журналистларининг ёзишича, “Вильярреал” дарвозабоннинг трансферини ёзда ҳал қилади.
“Сариқ сув ости кемаси” футболчи билан шахсий шартнома шартларини келишиб олган. Энди испанлар трансферни "Динамо" билан мувофиқлаштиришлари керак. Загреб клуби Доминикнинг сотувидан ўн миллион евро олмоқчи.
2022/2023 йилги мавсумда Ливакович жорий клуби сафида 49 та ўйинда қатнашиб, 49 та гол ўтказиб юборди. 13 та ўйинда у ўз дарвозасини дахлсиз сақлаган.