Каталониянинг “Барселона” клуби яқин ҳафталарда ҳимоячиси Алехандро Бальде билан янги шартнома тузмоқчи. Журналист Хуан Хименес Сальвадонинг сўзларига кўра, “кўк-анорранглилар” футболчи жароҳатидан фориғ бўлгунга қадар келишувга эришмоқчи.
Бальденинг "Барселона" билан амалдаги шартномаси келаси мавсум охирида тугайди. Ла Лиганинг сўнгги турида Алехандро жароҳат олди, шу сабабли у тахминан 6-7 ҳафтани ўтказиб юборади. “Кўк анорранглилар” раҳбарияти июль ойида мавсумолди машғулотлари бошланганда футболчи тўлиқ формада бўлишига умид қилмоқда.
Бальде жорий мавсумда битта гол урди ва олтита голли узатмани амалга оширди.
