"Боруссия М" ярим ҳимоячиси Ману Коне фаолиятини Англия премьер-лигасида давом эттириш имкониятига эга.
Bild хабарига кўра, 22 ёшли футболчининг хизматларига "Ливерпуль" клуби қизиқиш билдирмоқда.
Манбанинг қайд этишича, франциялик футболчининг Мерсисайд грандига ўтиш эҳтимоли анча юқори баҳоланмоқда. Мануга аллақачон "қизиллар"дан аниқ таклиф келган.
Коне ва Мёнхенгладбах клуби ўртасидаги меҳнат шартномаси муддати 2025 йилнинг ёзига қадар мўлжалланган. Transfermarkt портали футболчининг нархини 30 миллион еврога баҳоламоқда.
Якунланган Бундеслига мавсумида ярим ҳимоячи 30та ўйинда майдонга тушиб, 1та гол ва 1та голли узатмани амалга оширди.