"Манчестер Сити" ҳимоячиси Жоау Канселу мавсумнинг иккинчи ярмини ижара асосида ўтказган "Бавария"даги шериклари билан ҳали хайрлашгани йўқ. Журналист Керри Хоуга кўра, португалияликнинг келажаги борасида ҳали ҳам бир қарорга келинмаган.
"Бавария"да Канселуни 70 миллион еврога сотиб олиш имконияти бор, аммо Мюнхен клуби бундай пулни тўламоқчи эмас. Шу билан бирга, Томас Тухель жамоаси нархларни пасайтиришга ҳаракат қилиши ҳозирча истисно қилинмаяпти.
Эслатиб ўтамиз, Канселу мавсум охирида "Бавария"га Бундеслигада ғалаба қозонишга ёрдам берганди. Португалияликнинг хизматларига "Барселона" ва Лондоннинг "Арсенал" каби жамоалар ҳам қизиқиш билдирмоқда.
