"Ливерпуль" ўз ҳужумчиси Фабио Карвалью билан хайрлашишга тайёр, фақат бир шарт билан. Журналист Фабрицио Романонинг хабар беришича, мерсисайдликлар клуби футболчини фақат қайта сотиб олиш варианти шартномага киритилган тақдирдагина сотади.
"Лейпциг" ҳозирда Карвальюни ўз сафида кўришга жиддий қизиқиш билдирмоқда. Манбанинг хабарига кўра, немис клубининг биринчи таклифи аллақачон рад этилган.
Аввалроқ, Англия Премьер-лигасининг кўплаб клублари Карвальюни ижарага олишга қизиқиш билдираётгани ҳақида хабар берилганди. Илгари Фабиу Лондоннинг “Фулхэм” жамоасида тўп тепган, у икки йил аввал Премьер-лигада дебют қилганди.