"Челси" ҳимоячи Леви Колвиллни "Брайтон"га 35 миллион еврога сотишдан бош тортди. Бу ҳақда Sky Sports хабар бермоқда.
Эслатиб ўтамиз, 20 ёшли футболчи 2022/2023 йилги мавсумни ижара асосида "Брайтон"да ўтказди. Колвилл ўтказилган 22 учрашувда иккита голли узатмани амалга оширди.
Эслатиб ўтамиз, Колвилл “Челси” тарбияланувчиси ҳисобланади, бироқ у ҳали “кўклар”нинг катталар жамоаси учун бирорта ҳам расмий ўйин ўтказмаган. Transfermarkt портали ёш футболчини 16 миллион еврога баҳоламоқда.
Эслатиб ўтамиз, Премьер-лига якунига кўра "Брайтон" турнир жадвалида олтинчи ўринни эгаллади.
