Франция терма жамоаси бош мураббийи Дидье Дешам "Лион" ҳужумчиси Александр Ляказеттни терма жамоага чақирмаганига аниқ изоҳ берди.
«Мен Ляказеттни голлари билан табрикламоқчиман, у ҳар доим сифатли ҳужумчи бўлган ва ҳозир ҳам шундай, аммо унинг позициясида рақобат кучли.
Бошқа ҳужумчилар менинг талабларимга кўпроқ мос келади», - деди мутахассис.
Ляказет Франция чемпионати тўпурарлар рўйхатида иккинчи ўринни эгаллаб турибди. Ҳужумчи ҳисобида 34 та баҳсда 27 та гол бор. Александр “ПСЖ” ҳужумчиси Килиан Мбаппедан атиги бир гол ортда қолган.
