Испаниялик ярим ҳимоячи Дани Олмо фаолиятини “Лейпциг”да давом эттиради. Инсайдер Фабрицио Романонинг сўзларига кўра, томонлар янги меҳнат шартномаси бўйича келишиб олишган ва у яқин орада имзоланади.
Ольмо ва "буқалар" ўртасидаги амалдаги меҳнат шартномаси 2024 йилнинг июнь ойи охирида тугайди.
Аввалроқ ОАВда 25 ёшли футболчига Лондоннинг "Арсенал", "Реал" ва "Бавария" клублари қизиқиш билдираётгани ҳақида хабарлар тарқалганди.
Ольмо Германия Бундеслигасининг сўнгги мавсумида 23 та ўйин ўтказиб, 2 та гол ва 5 та голли узатмани амалга оширди.
