"Наполи" ярим ҳимоячиси Хвича Кварацхелия клуб билан шартномасини узайтиради, деб хабар беради Calciomercato.
Манбага кўра, томонлар 2028 йилгача ҳисоблаб чиқиладиган янги шартнома имзолаш бўйича келишувга эришган. 22 ёшли грузияликнинг маоши тахминан икки баравар ошади - йилига 2,5 миллион еврогача.
Кварацхелиянинг амалдаги шартномаси 2027 йилгача мўлжалланган. У 2022 йилнинг ёзида неаполликлар клубига ўтганди.
Ярим ҳимоячи жорий мавсумда жамоа сафида барча турнирлар доирасида 42 та ўйинда майдонга тушиб, 14 та гол урди ва 17 та голли узатмани амалга оширди. Transfermarkt портали футболчининг нархини 85 миллион еврога баҳоламоқда.
