Ярим ҳимоячи Илкай Гюндоган ёзги трансфер ойнасида "Манчестер Сити"ни "Барселона"га алмаштиради.
Sport хабарига кўра, 32 ёшли футболчи ҳозирча ҳеч нарсага имзо чекмаган, аммо келишувга оғзаки тарзда эришилган.
Гюндоганга "Барселона" уч йиллик шартнома таклиф қилган. Футболчининг ойлик маоши камаяди, лекин у узоқ муддатли шартнома олади.
Қайд этилишича, Хави трансферда муҳим роль ўйнаган. "Барселона" бош мураббийи Гюндоган билан лойиҳа ҳақида гапирди ва уни "Камп Ноу"га ўтишга рози бўлишга кўндирди.
Гюндоганнинг «Барселона»га ўтиши «Манчестер Сити» ва «Интер» ўртасидаги Чемпионлар лигаси финалидан сўнг эълон қилиниши кутилмоқда.
