Хави Симонсга "Арсенал" қизиқиш билдирмоқда.
Voetbal International хабарига кўра, Лондон клуби ПСВ ҳужумкор ярим ҳимоячисига қизиқиш билдирмоқда. Футболчининг Нидерландия клуби билан шартномаси 2027 йилгача амал қилади.
Қайд этилишича, "ПСЖ" ярим ҳимоячини 12 миллион еврога сотиб олиш ҳуқуқига эга. Бошқа клублар эса юқорироқ трансфер нархини тўлашлари керак бўлади. "Арсенал" футболчига асосий даъвогар сифатида кўрилмоқда.
ПСВ Симонс билан шартномани узайтириб, "ПСЖ"нинг товон пули бандини олиб ташламоқчи. Футболчининг ўзи Чемпионлар лигасида ўйнашни истамоқда. У бош мураббий Руд ван Нистелройнинг ишдан бўшатилиши билан боғлиқ вазиятдан норози.
Симонс ўтган мавсумда Нидерландия чемпионатида 34 ўйинда майдонга тушиб, 19 гол ва 8 голга ассистентлик қилган. У лиганинг иккинчи энг яхши тўпурарига айланди.