"Челси" бош мураббийи Маурисио Почеттино жамоа ярим ҳимоячи Кай Хаверцни сотишини истамаяпти.
Журналист Экрем Конурнинг ёзишича, Почеттино 23 ёшли футболчи учун “Реал”дан келган барча таклифларни блоклаган. Лондон клуби Хаверц билан шартномани 2028 йилгача узайтириш бўйича музокаралар олиб боришни режалаштирмоқда.
Хаверц ўтган мавсумда “Челси” сафида барча турнирлар доирасида 47 та ўйинда майдонга тушиб, 9 та гол урди ва 1 та голли узатмани амалга оширди. Transfermarkt уни 60 миллион еврога баҳоламоқда. Шартнома 2025 йилнинг ёзига қадар мўлжалланган.
