Шанба куни "ПСЖ" Лионель Мессининг клубни тарк этганини расман эълон қилди. Аргентиналик футболчи икки мавсумни Парижда ўтказди.
"ПСЖ" ҳужумчиси Неймар "Барселона"да ўйнаган вақтида Месси билан илиқ муносабатда бўлган ва у билан илиқ ҳайрлашди. Месси изоҳларда Неймарга жавоб қайтарди.
"Раҳмат сенга Ней! Бирга ўйнаш ва кундан-кунга уни баҳам кўриш ёқимли эди. Мен сенга барча эзгу тилакларни тилайман. Сен ажойиб футболчи ва ажойиб инсонсан, бу муҳим туйғу. Мен сени жуда яхши кўраман. Борингга шукур", - деб ёзган Месси.
Лионель Месси фаолиятини қаерда давом эттириши ҳозирча аниқ эмас. Миш-мишлар 35 ёшли ҳужумчини "Ал-Ҳилол", "Барселона", "Интер Майами", "Челси" ва ҳаттоки "Ньюкасл" билан боғламоқда.
