"Милан" ҳужумчиси Златан Ибраҳимович футболчилик фаолиятини якунлади. Швециялик футболчи А сериянинг сўнгги турида бўлиб ўтган «Милан» – «Верона» (3:1) учрашувидан кейин ўз қарорини эълон қилди.

«Менга нафас етишмаяпти, аммо ҳаммаси жойида. «Сан-Сиро»да кўп хотираларим қолмоқда... Дастлаб у менга меҳр берди, кейин эса бахт.

Мен ўз оиламга сабр учун миннатдорчилик билдираман. Иккинчи оилам — ўйинчилар, мураббийлар, ходимлар, менежерларга раҳмат айтаман. Ва ниҳоят, сиз мухлисларга чин юракдан миннатдорчилик билдираман.

Футбол билан хайрлашадиган пайт келди, аммо сиз билан эмас», – деди 41 ёшли Златан.

Златан Ибраҳимович профессионал футболчилик фаолиятини 1999 йилда бошлаган. У фаолияти давомида «Милан»дан ташқари «Мальмё», «Аякс», «Ювентус», «Интер», «Барселона», «ПСЖ», «Манчестер Юнайтед» ва «Лос-Анжелес Гэлакси» клубларида тўп тепган. У Швеция терма жамоаси сафида 122 та ўйинда майдонга тушиб, 62 та гол урган. Бу Швеция учун рекорд натижа ҳисобланади.

Ҳужумчи фаолияти давомида 34 та совринни қўлга киритган.