Яқинда «ПСЖ»ни тарк этган ҳужумчи Лионель Месси яқин кунларда янги клуби билан шартнома имзолаши мумкин.
Ижтимоий тармоқ инсайдери Маттео Мореттонинг сўзларига кўра, Саудия Арабистони делегацияси келишувни якунлаш учун аллақачон Парижга етиб борган. Томонлар трансферни 48 соат ичида ёпишлари мумкин.
Аввалроқ матбуотда “Ал-Ҳилол” аргентиналик 35 ёшли ҳужумчи учун янги клубга айланиши мумкинлиги ҳақида хабарлар тарқалган эди.
Турли манбаларга кўра, Леонинг Саудия клубидаги маоши йилига 400 дан 600 миллион еврогача бўлиши мумкин.
Месси ўзининг сўнгги икки мавсумини "ПСЖ"да ўтказди. Куни кеча ҳужумчи клубни эркин агент сифатида тарк этаётгани маълум бўлди.
