"Наполи" ярим ҳимоячиси Хвича Кварацхелия келажаги ҳақида гапирди.
"Наполи" мухлислари оптимист бўлишлари мумкинми? Албатта, улар ишонч ҳосил қилишлари мумкин. Мен "Наполи"ни яхши кўраман”, - деди Кварацхелия.
Футболчи клуб билан шартномани узайтириш борасида музокаралар олиб бормоқда. 22 ёшли грузиялик футболчи 2022/23 йилги мавсумда "Наполи" сафида 43 та ўйинда майдонга тушиб, 14 та гол урди ва 17 та голли узатмани амалга оширди.
Кварацхелия жамоа билан биргаликда Италия чемпиони бўлди, шунингдек, А Серияда мавсумнинг энг яхши футболчиси деб топилди.
