"Манчестер Юнайтед" ёзги трансфер ойнасида марказий ҳимоячи Харри Магуайр билан хайрлашишни режалаштирмоқда.
The Athletic журналистларига маълум бўлишича, "қизил иблислар" футболчининг сотувидан оладиган суммани эълон қилишган.
Манбага кўра, "манкунианликлар" Магуайр учун тахминан 46 миллион евро талаб қилади. Эслатиб ўтамиз, 2019 йилда "Манчестер Юнайтед" Харрини "Лестер"дан 87 миллион эвазига сотиб олганди.
30 ёшли ҳимоячи жорий мавсумда АПЛда 16 та ўйинда майдонга тушди ва 4 та сариқ карточка олди. Унинг меҳнат шартномаси 2025 йилнинг ўрталарига қадар тузилган.
