Мадриднинг “Реал” клуби ҳимоячиси Начо Фернандес жамоаси билан шартномасини узайтиришга қарор қилди.
Marca хабарига кўра, Начо клуб билан янги шартнома имзолайди ва яна камида бир мавсум "Реал"да қолади. Манбанинг аниқлик киритишича, у шартномада кўрсатилган шартлар остида ўйнашда давом этади.
Шунингдек, Начо келаси мавсумда “Реал” сардорилик боғичини кийиши ҳам хабар қилинган.
Начо "Реал Мадрид" тарбияланувчиси. У 2001 йилдан буён клуб таркибида, 2011 йилда асосий жамоада дебют қилган. Ўтган мавсумда испаниялик футболчи "қаймоқранглилар" сафида 44 та ўйинда майдонга тушиб, 1 та гол ва 1 та голли узатмани амалга оширган.
