Madridning “Real” klubi himoyachisi Nacho Fernandes jamoasi bilan shartnomasini uzaytirishga qaror qildi.
Marca xabariga ko‘ra, Nacho klub bilan yangi shartnoma imzolaydi va yana kamida bir mavsum "Real"da qoladi. Manbaning aniqlik kiritishicha, u shartnomada ko‘rsatilgan shartlar ostida o‘ynashda davom etadi.
Shuningdek, Nacho kelasi mavsumda “Real” sardorilik bog‘ichini kiyishi ham xabar qilingan.
Nacho "Real Madrid" tarbiyalanuvchisi. U 2001 yildan buyon klub tarkibida, 2011 yilda asosiy jamoada debyut qilgan. O‘tgan mavsumda ispaniyalik futbolchi "qaymoqranglilar" safida 44 ta o‘yinda maydonga tushib, 1 ta gol va 1 ta golli uzatmani amalga oshirgan.