"Брайтон" ёзги трансфер ойнасида ярим ҳимоячиси Мойсес Кайседо билан хайрлашишга тайёр, аммо маълум шартлар остида. Журналист Адриан Кажумбанинг хабар беришича, “чағалайлар” эквадорлик вундеркинди учун 93 миллион евро олмоқчи. Бу "Брайтон" тарихидаги энг қиммат савдога айланиши мумкин.
Қайд этилишича, Кайседога айни дамда Лондоннинг "Челси", "Арсенал" ва "Манчестер Юнайтед" каби клублари қизиқиш билдирмоқда. Ҳозирча бу жамоаларнинг ҳеч бири "Брайтон" талабларини қондирадиган таклиф билан чиқмаган.
Роберто де Дзерби аввалроқ 21 ёшли Кайседо бу ёзда “Брайтон”ни тарк этиши мумкинлигини тасдиқлаган эди.
