"Манчестер Юнайтед" ўзининг ёш иқтидори Антони Элангани сотиш ҳақида ўйламоқда. Журналист Флориан Плеттенберг хабарига кўра, "қизил иблислар" швециялик вингер билан хайрлашиш ҳақида жиддий ўйлашмоқда.
Манбанинг хабар беришича, ҳозирда футболчига “Лейпциг” жиддий қизиқиш билдирмоқда. "Манчестер Юнайтед" 20-25 миллион евролик таклиф тушса, трансферга рози бўлиши мумкин.
Қайд этилишича, "Лейпциг" "Манчестер Юнайтед" билан аллақачон алоқага чиққан, бироқ келишув ҳали дастлабки босқичда. Элангага бошқа клублар ҳам қизиқиш билдирмоқда.
