"Вест Хэм" вингери Саид Бенраҳма жамоасига Конференциялар лигасида ғалаба қозонишга ёрдам берди.
"Болғачилар"нинг 27 ёшли футболчиси "Фиорентина"га қарши ўйиннинг 62-дақиқасида гол уриб, таблода 1:0 ҳисобини ўрнатди.
Учрашув якунда инглизларнинг 2:1 ҳисобидаги ғалабаси билан якунланди. Opta хабарига кўра, Бенрахма 1987 йилдан бери еврокубоклар финалида гол урган биринчи жазоирлик бўлди.
Рабаҳ Маджер буни 36 йил олдин амалга оширган эди, унинг голи "Порту"га еврокубоклар финалида "Бавария"ни 2:1 ҳисобида мағлуб этишга ёрдам берди.
Бенрахма учун бугунги гол жорий мавсумдаги барча мусобақалардаги 51-ўйиндаги 12-гол бўлди.
