Лондоннинг "Арсенал" клуби ўз ярим ҳимоячиси Жоржиньонинг трансфери бўйича таклифларни тинглашга тайёр, у январь ойида "Челси"дан 12 миллион евро эвазига жамоага қўшилган эди.
Журналист Грем Бэйлининг хабар беришича, "Арсенал" шартномаси бир йилдан кейин тугайдиган футболчисини сотишга тайёр. Ушбу трансферга А Сериянинг учта клуби қизиқиш билдирмоқда - "Милан", "Лацио" ва "Наполи".
Эслатиб ўтамиз, Жоржиньо 2021 йилнинг кузида УЕФА талқини бўйича Европада мавсумнинг энг яхши футболчиси совринини қўлга киритган эди.